Divisional Superintendent, Lamka West Division saina a Pulpit Exchange Programme nisim 27 September, 2026 Pathianni nitak dak 6:30 pm in Local saptuam mipi te'n Pastor Thanggoulian Local Pastor EBCC Bethany, Bungmual leh aman a hon tonpih BYF Bethany, Bungmual lapawl member te toh biakna kikhopna hun zatkhawmna kinei hi.
Pathian ompihna toh hiai biakna hun manpha leh nuamtak in kizang hi. Kikhopna hun ah Pathian phatna lapawl Local BYF te leh BYF Bethany, Bungmual te apat ngaihkhiak in om hi. " Khrist Nungzui Bawl Un" chih thupi pansan in Pastor Thanggoulian, Local Pastor EBCC Bethany,Bungmual in thutak ankuang luikhiakna nei in saptuamte khalam salam a hanthawnna manphatak nei hi.
Biakna hun zat zoh in TBUC makaihna in department tuantuam a member te tel in hong veh te toh Tea Fellowship kinei a,hiai hun ah Upa N Johnson Local Secretary,EBCC Pearsonmun in BYF Bethany,Bungmual lapawlte solfa siamtak a vai a pitu ,nungak Khumnunkim toh houlimna hun saulau hon zang hi. Tua zoh in Local Pastor,Tualsung Saptuam in thumna in hunkhakna nei a,limlakna leng a kineih zom ngal banah Biakinn lam ding kihanthawntuahna in" Thou ni in lam ni" chi in slogan kisam khawm zuazua hi.
Toupa'n thupina tengteng tang ta hen...Amen!
