Updates

MISSIONARY REPORT

Posted by Media Team on November 7, 2026

Worldwide Evangelization for Christ (WEC) toh EBC in partnership a i sepkhawmna tungtawna gamkuan, unaupa Enkhamson @ Sainey Sillah (S/O K. Liankhenmang leh Chinggouman, Miimbung) in tuzan in Gambia, West Africa gama i louma toh kisai report hongpia hi.

2 Kor. 12:7 na sim in, report hon pan a, aman agenna ah, pau-leh-ham zil theihna ding kichuuptak omkei mahleh, bangchichi hiama a sinsak tu ding maitawm kawm zela panla in, tu dinmun a sinsiam a masawn mahmah ta ahihdan gen hi.

Ava sepna, Mandika minamte kianga Football Ministry leh Naupangte laihilhna tungtawna agam mite toh kizopna hoih leh ki muantuahna detdou bawl lellel a, Toupan hihtheihna apiak Football Siamna tungtawna agam mite ngaihsan alohdan leh mite toh kizopna hoih neihna dinga a phattuam dan leng gen hi. A mihinzia uapan leh, naupangte toh aki thuahna uapan, Pathian a muhchet sem dan leng gen hi. Huaibanah, thumnate dawnna dinga taksapna lampi leng Toupan tawnsak ahihdan te leh, Pathian theihpih ahihnak leh dinmun sia leng kipahna thupitak neihna suakthei ahihdan amuhchet thu leng gen hi.

Mabanah, Toupa muanna toh Kaur learning centre project tungtawna inn leh lou bawl ding tup leh ngim a neih ahih thu genin, khutsiam leh kivakna nei, Toupa gam nasepna a lunglutte adinga kong lianpi kihong ahihdan leng gen hi.

EBCC Pearsonmun
Evangelical Baptist Convention Church
magnifiercrossmenu linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram