September 26, 2026 ni in EBCC Pearsonmun ah Joint Departmental Fellowship neih in om hi. Huai hunzeek session nih in kikhen a, session masa Upa T. Khamzamuan, Chairman TBUC in makaih in, gelhluttu in Secretary, TBCD Htp. Lianzuithang pang hi. Upa Ginkhanlian in thumna a hunpatna a neihzoh in TBYF makaih in paikhawm ten la a phatkhawmna kinei hi. Tuazoh in, Local Pastor Dr. Tunson Tunglut in bial vehna kizousate, Bial no. 1 apan 8 tan, inkuan mimal chih khalam Check up Review na hun zang hi. Amah zoh in, Sawltak Mungsonlian Shoute, Camp Asst. Director in Nupi & Papi Camp review na paikhawmte hon neihpih a, aman Camp Director, Mess Manager leh Thumna makai banah, Dorka heutute Camp amuhdan uh leh Camp sai ahih nawn chianga theihtuak asakte uh genna hun pia hi. Tua hun zoh in, Pastor Dr. T. Tunson in Year plan a guana om Makai Camp Preview hon neihpih a, makai paikhawm te lakah Camp ding toh kisai ngaihdan genna hun honga, atamzaw ten mimal a a phattuampih atam zawk theihna dingin giahlut louh hileh, chih ngaihdan kum uhi. Hiai Camp Preview hunzoh in program a om bangin, Upa Gougin in session masa khakna leh refreshment latna neiin hun masa zoh ahi.
Session nihna pen ah, Ministerial Committee Secretary, Upa K. Pausuanlal in hunkepna la a, Secretary TBYF Htp. K. Paukhansiam gelhluttu in pang hi. President TBDC, Nu Dimkhanniang in thumna a hunpatna aneih zoh in, TBYF te makaih in "Heutu toh ton gige'n" chih la a phatkhawmna kinei hi. Tuazoh in Local Pastor makaih in Saptuam masawnna ding toh kisai a kikupkhawmna kinei a, Upa Bial Team 12 a kikhen ten hiai anuai a topic te ah kikupna kinei hi:
Team chih in kikupkhawmna hun minute 30 akizat zoh in, thukup te report piakna kinei hi. Tuazoh in, Pastor makaih in paikhawmten thumkhawmna kinei a, thumkhawmna neih ahih zoh in, Upa L. Tualkhanhau, Vice Chairman TBUC in hunkhakna leh annkuang latna nei in session nihna kizou nawn hi.
