Tuzan 03-06-2026 Missions Thumkhawmna hun T/Upa Kamkhanchin in makai a, Unaupa Dipu Tiwari, h/o Ruby Ngaihlian Hangzo leh Unaunu Zothanpuii te'n sharing nei uhi.
Unaupa Dipu Tiwari, h/o Ruby Ngaihlian Hangzo in gingtu ahihma leh gingtu ahihnung a Pathian Khasiangthou piidan, salam leh khalam galdouna a a vualzohpih dan te testimony genna nei a, Unaunu Manngaihkim in kamlet hi. Tuazoh in Unaunu Ruby Ngaihlian in ava omna saptuam uh AKHIKH Saptuam Pathian Kha piidan tanchin tamlou gen hi. Huaibanah, Unaunu Zothanpuii, w/o Mr. Pumsuanlal Tombing, Autism Ministry Dehradun, Uttarakhand in leng hunbit a Toupa gam nasem dinga sapna kichiantak azak dan uleh tua nna sem dinga apasal leh aman solkal nna asepnate uh kitawp a kuanna uh testimony saulou genna nei a, mipi paikhawmten khamloutakin hun kizang hi.
