"PICHIN LAM I MANOH DING UH" ( Hebrute 6:1a) chih thupi a nei in, October 23 -26, 2026 sung EBCC Pearsonmun ah Makai Lehlaang Camp neih in om hi. Huai hunah Rev. K. Kamchinkhup, General Secretary, Evangelical Baptist Convention thugen in pang hi. Hiai camp ah department tuamtuam apan heutu 60 vel te telthei ua, October 23 leh 24 nite in Lehlaang Camper te amau inn chiata zing-ann nesa in kuan ua, nitak ann amuna ne in, nikhat in hun thum zel zang uhi. October 25, 2026 nipini pen bel, zing leh nitak saptuam mipi toh zatkhawm ahi.
Hiai Camp hunsungin, thu kigente tungtawna Toupa' houpihna tanga, Hotdamna theihtelna chian sem neithak bang, hinkhua a Khrist batna - omdan, lungsim, kizopna, thilchiin hoih, mite panpih leh a nna uh sepsak ding, tupmawnga hunpia a nungzui bawl ding, mahni khros pu a sianthouna leh diktatna a Khrist zui ding, chihte a kilatthakna nei hunkhop om hi. Nipini in, Sam 11:3, Genesis 1:26-28, Johan 19:26, 27 leh, Luk 8:39 te pansanin Christian Innkuan kibulphuhna toh kisai a nu leh pate poimohdan leh, Philipi laibu pansanin, Gingtu Piching te lungput dingdan dik gen a, mi tampite kilatthakna nei ding khopa Pathian houpihna tangin manphataka hun zatzoh ahi.
Camp Committee Chairman Pastor Dr. Tunson Tunglut hi a,
Sawltak Mungsonlian Shoute Camp Secretary leh Ministerial Committee teng Camp Committee Member in pang uhi. Huaite banah, hospitality toh kisai mohpuakna Upa N. Johnson leh Manngaihkim te piak ahih dungzui un, amau a poimoh bangin hon semkhia uhi. Toupa kia in thupina tang henla, hiai programme tungtawnin saptuamte hon vualzawl hen.
