Evangelical Baptist Convention Church, Pearsonmun
Piching Pasal Nungzuihna Camp Sub-Committee: 2025
27th August, 2025
To,
The Chairman/Secretary
Tualsung Baptist Upa Committee
EBCC Pearsonmun
Subject: Piching pasal camp - 2025 completion report
Pitu muan,
Saptuam pumpi pangkhawm a Common project i neih, Piching Pasal Camp 2025 manphatak a neih leh zoh ahih toh kiton in, hiai ah report omthei bangbang ka hon pia hi.
1. Mohpuakna piak a ka om bang un, camp committee in theihtawp suah in pan kana la uhi. Meeting piching khatvei nei in, a dangte ahihleh a poimoh bang dungzui a kimukhawm in kigenkhaw zel hi. Camp Committee hiai a nuai a bang ahi:
Chairman: Upa Sumlianthang
Secretary: Upa Johnson
F/Secretary: Upa Pausuanlal
Treasurer: T/Upa Thawngkhanhau
Mess Manager: Upa Englal
Asst. Manager: Upa Pumkhanjam
Mess Commander: T/Upa Kamkhanchin
Camp Director: Pastor G. Sanglian
Asst. Director: Sawltak Elson Thanglunmang
2. Camp thupi in "Nungzuihna" chih kizang in, Camp publicity leng hikawm in Biakin sung a pulpit tung leh khosung mun 4 ah banner kitakkhia hi.
3. Camp ding toh kisai a social work-na 20-08-2025 in kinei a, a kuan te'n nuam kisa mahmah zaizai hi.
4. Camp honna Pastor G. Sanglian, Local Pastor in 21 August, 2025, 12:00 noon in Biakin ah nei hi.
5. Camp thugentu in Rev. K. Kamchinkhup, General Secretary EBC pang a, Toupa'n ompih in, zang mahmah hi. Kipahman in 10,000/- (Ten Thousand Only) kipia hi.
6. Pathian Kha vehna kitang mahmah a, camp sung in thugenna hun 14 vei (2+4+4+4) om a, camp gah mihing muhtheih dan in hiai bang ahi:
a) Camp lut zah: 43 (a tawp tan om 40)
b) Kipahna thak nei/halhthak zah: 36
d) Nungzuihna leh nungzui bawl di'a kisinsakna naktak in hon neihpih hi.
c) Tu camp a Piangthak: 4
7. Camp sung in Mess Manager, Asst. Mess Manager leh Mess Commander makaih in tuanvai pasal 3 leh numei 4 te'n feltak in nek ding-leh-dawn ding hun lap chetchet in hon saisak gige uhi.
8. Thugentupa zindouna ah pasal 2 leh numei 2 te'n fel taktak in hon saisak gige uhi.
9. Camp toh kisai a thumna lam sai di'a mohpuakna piak a om TBDC te'n thanuam leh kuhkal tak a hon makaih ziak un camp gah kipah huai tak i muthei hi. Thumna mun ding in Community Hall kizang hi.
10.Camp sung in a poimoh bangbang hong sem ding in Steward nupi fel taktak 12 kizang hi. Amau group 2 kisuah in nikhat hal in kikhel ua, mun 6 a kikhen dalh in zingkal baihtak apan nitak sawtpi tan duty zel uhi.
11.Camp sung a lapitu/khuangpu ding a mohpuakna piak a om te'n kikhop teng in a mohpuakna uh thanuam tak in hon semsuah gige uhi.
12.Camp sung a apoimoh bang damdawi lam saitu ding a mohpuakna piak a om in feltak leh kizen tak in hon semsuah hi.
13.Camp khakna nisim 24th August, 2025, 7:30 pm in Pastor G. Sanglian in Biakin ah nei hi.
14.Sum muhna leh zatna lam hiai bang ahi:
a) Muhna lam : 1,54,500/-
b) Zatna lam: 21,47,195/-
Balance: 27,305/-
Sub-Committee phuan a omna san zoh ahita chi in TBUC kiang ah, a poimoh bangbang etkai theih ding in, completion report ka hon pia uhi. Toupa kia in thupina tang hen.
Committee sik in,
S/d
(UPA N. JOHNSON)
Camp Secretary
