Nisim 11/03/2023 ni in, EBCC Pearsonmun Departmental Joint Meeting & Fellowship neih in om hi. Hiai huna telthei ding TBUC leh Departmental Committee Member tengteng 81 lakah member 72 paikhawm thei uhi. Hiai hunzatna hun nih a khen in om a, hunkhatna ah, Department chih apan report ngaihkhiakna leh Year Plan 2023 -2024 te veelna leh pomna neih in om hi. Hun nihna ah, Local Pastor, Pastor G. Sanglian in " Saptuam Khanna dinga Kimakaihna Dan" chih thupi a neiin, 2 Korinthte 6:4-8 pansanin sinsakna pia hi.
Tuazoh in, Pastor makaih in UPA BIAL LEH DEPARTMENT TE' BIAL; BIAKNA PAIZIA/NIPI SKUL leh KRISTIAN THILPIAK chih te thu kikup thupi a neiin, member paikhawmte Group 10 a khen in houlimna nei ua, tua group chihte houlimna apan point poimoh, Saptuam maban paiding dan toh kisai a phatuam dingte lakkhawmna leng nei uhi.
