A D V E R T I S E M E N T
Pearsonmun, March 12, 2021
No.07/EBCC-PSM/AD&APPT/2021: Tualsung Baptist Saptuam Upa Committee Meeting 05-na 2021 Thupukna 2-na Dt.11-03-2021 dungzui in Kum 3 (April 2021 – March 2023) sung EBCC Pearsonmun Office Assistant-cum-Accountant ding mi 1 (khat) lak ding thukim ahi.
Lunglutna nei mi kua peuh in March 26, 2021 tan in kingetna mahni khut a gelh in Chairman / Asst. Secretary, TBSUC Pearsonmun khut ah piaklut theih ding hi.
Kingen mite interview na 28th March, 2021 in Saptuam Office ah neih ahi ding.
Honorarium: Rs. 7,000/- plus p.m.
KINGETNA DIA CHITNA POIMOHTE:
(Office Asst. Duties & Functions Rules leh Finance Code Puahphatna 2021 dungzui in)
(i) Piangthak diktak, (ii) Biakna limsak mi, (iii) EBCC Pearsonmun sung mi, Danzoukim (full communicant member), (iv) Tep-le-muam a mi kidek thei leh khamtheih chinglou mi, (v) Sum-le-pai a mi diktat/ginom, (vi) Mi thumang leh phunchiak lou, (vii) Class-XII/Equivalent leh a tunglam siamna nei mi, (viii) Typist/type siamsa mi ahih ding, (ix) Account lam siamna nei mi deihtuam ahi, (x) DTP/OA Course zousa ahi ding, (xi) Kum 20 tunglam mi ahi ding
NASEP DING-TE:
(Office Asst. Duties & Functions Rules leh Finance Code Puahphatna 2021 dungzui in)
1. TBSUC leh Department chih in Deptt. toh kisai nna apiak bangbang
2. Saptuam Office nna toh kisai Local Secretary toh pangkhawm in a enkai ding uh
3. Bank leh Division/HQ ah akul leh poimoh bang in a taituah (duty) ding
4. Finance Controlling Officer (FCO), Drawing and Disbursing Officer (DDO) leh Account Officer-te a kul leh poimoh bang a panpih in Pooling Account a enkai ding
KINGETNA LAI TOH THUAH DING-TE: (i) Testimony tomkim khut a gelh, (ii) Baptisma Certificate Xerox copy, leh (iii) Educational Qualification Certificate Xerox copy
(UPA PUMKHANJAM)
Asst. Secretary, TBSUC
