NA LAMPI DING, TOUPA TUNG AH NGA IN
Sam 37:5 Na lampi ding, Toupa tung ah nga inla; amah muang in, aman ahihvek ding.
Mihing in, Naupang hun inei a, Tuailai hun inei a, Nupi Papi hun, Putek pitek hun aki nei ahi, tuate lakah pawimoh mahmah khat tuh Tuailai hun ahi chi le ichi khial kei ding ahi. I kum bang a hong khang deuh deuh chiang in i ngaihtuahna bang a hong ki khek zel a, khenkhat in Zi leh ta ka vakna ding bang? Khenkhat in Ka maban bang loh di? Khenkhat in zi leh pasal bang chi neih di, Khenkhat in Innsung bang chi bawl lem di, Khenkhat in zingchiang bang loh di ka hia? chi in ngaihtuah na tampi toh ei leh ei iki dong (question) sek ua igim thei mahmah uh ahi.
Mihing ihihnaah tuate awm thei mah ahi chih ithei ahi, tua bang teng tuak a lametna tengteng bei isak khak ding a lauh huai kasa mahmah ahi, Laibu gelh tu khat in "NA LAMETNA TENGTENG A BEI NUNGIN LENG NA PATHIAN A AWMLAI" ana chih mangngilh louh ding in ahoih ahi.
I hinkhua a tuate ituah hunin, Pathian muan sangin mihing muan baihlam kha mahmah zel hi, damlouh na ah hita leh adang tampi tak awm ding ahi, nang sang a maban thei zaw leh zingchiang a na hinkhua a na tuah ding theipa Pathian ahi chih itheih i deih ahi.Toupa'n Sam laikhak tungtawn a ahawn piaktuh, Kei hawn muang un achi ahi, " Na om dan ding , ahih kei leh Na Lampi ding kua kiang ah nga di TOUPA kiang ah i ngak di ahi, Toupa kiang ah ngak zoh chiah ihih di tuh amah muan ding ahi, amah muang le aman bang hawn hihsak di eita ichih leh avek a hawn hihsak ding ahi. Hiai ahi Toupa'n a deih, hiai laisiangthou i neu a pat ina zaksa ahi, i theihsa hi ichi mai thei, thei ihih leh Amah ah iki nga zoutaktak hia? amah imuang taktak hia bang hiam i tuah hun in, chih iki dong ahi.
Lungsim in le thei mahmah, ikam in le theimahmah hinapi in muangzou lou chih awm thei ahih man in tua ihih khak ding lauh huai kasa ahi, Tuni in Toupa lam ngathak in ivai khempeuh, imaban te Toupa tung ah ngale aman hih vek ding ahi, ngaihtuahna maimai a ngakha ihih leh dik lou ding ahi. Amah ah na ngak zohtaktak leh na puak le a zang dia natawldam tuan mahmah ding ahi.
Thukhitna: A tawpna di'n, hiai Laisiangthou ka ngaihtuah sek a akhen chiang in ka maban ding ka et chiang in mihing ngaihtuahna ah a bing mahmah mai ahi, Toupa muang lah ka kichi a lah ka muangzou taktak kei zel ahi, lup chiang bang in hiai Laisiangthou ngaituah in hun tampi tak a hawn sual nilouh ahi, nikhat tuh hiai ka ngaihtuah na ah ahong awm a, Toupa muangzoulou taktak mah ka hi chih kong ki theih khiak a pat Toupa ah ka maban ding ka ngatheita a ka ngaihtuahna le azang mahmah hi.
Unaute Toupa muangzou lou mah kahi chih iki theihchet mahmah chiang a Toupa muangzou pan ki hi ahi. Tua mah bang in I khelh na taktak itheih chet kei leh kisikna awm theih lou a, I khelhna te kisik taktak lou pi a ngaihdamna ki tangthei tuan lou ahi.
Toupa'n a simtute theisiam theih din hawnpi hen la, Khalam ah vualzawlna thupitak hawn vuk hen aw.
